من نحن
كاجيرا أنظمة إدارة للمطاعم والمحلات، معمولة للسوق المصري والعربي — بالعربي والإنجليزي.
إيه اللي بنعمله
بنبني أنظمة إدارة متكاملة لأصحاب المطاعم والكافيهات والمحلات: كاشير يشتغل أونلاين وأوفلاين، تطبيق توصيل باسمك، ونظام موارد بشرية — كلهم بيشتغلوا مع بعض كمنظومة واحدة.
كل نظام بيشتغل لوحده كويس، وأول ما تجمعهم بتشوف شغلك كله في مكان واحد بدل ما تفضل تنقل بين برامج مختلفة.
ليه بدأنا
أغلب الأنظمة الموجودة معمولة لأسواق تانية ومترجمة للعربي بعدين، فبتلاقي حاجات أساسية عندنا مش موجودة فيها، وحاجات مش محتاجينها بتعقّد الشغل.
إحنا بدأنا من المشاكل الحقيقية اللي بتقابل صاحب المحل هنا: النت بيفصل، الأوردرات بتضيع في وقت الذروة، ومش عارف تكلفة وربح كل صنف.
إزاي بنشتغل
بنركّب النظام وندرّب فريقك وندعمك بعد التشغيل. مش بنسيبك مع برنامج وخلاص.
ولو عندك طريقة شغل معيّنة، بنظبّط النظام عليها بدل ما نطلب منك تغيّر شغلك.